Kal Raat...

Raat thi jhilmilaati si,

Chaand ka pehra tha...

Hawaaon ka rukh bhi,

thoda thehra sa tha...

Neend ki aaghoshi...

chupke se aankhon se sarak gayi,

Aur jaagti aankhon par,

Kucch anjaane khwaabon ka sehra tha...

Wo ajnabi hote hue bhi apne se lage,

kucch sukoon...kucch khushi de gaye...

Raat beet ti gayi,

Chaand, taare khwaab...

sab dhundhle hue..

Ahista ahista jaane lage...

ye keh kar...ki fir aayenge..

Sanjo kar rakh lo in lamhon ko...

kal fir ek nayaa aks de jaayenge!.....

Completing this poem on public demand!! :)
Aaghoshi: Hug; Aks: Reflection; Sanjo: Capture; Lamhon: moments;